ස්කයිප් එකේ අයිතිකාරයා බෙල්ලේ වැල ලාගත් හේතුව (ලිලි අක්කාගේ කතා)

මේ දවස් ටිකේම මැද පෙරදිග වෙන සිදුවීමුයි ජනකයියගේ කොටුපැනීම ගැනයි කියෙව්වා අපේ උදවියට පොඩි වෙනසකටත් එක්කලා කියලා පොඩි පහේ කොමඩියක් දෙන්නයි සූජානම. කට්ටියට මතකද අපේ ලිලි අක්කව? ඔව් ඔව් අනේ අර අන්දොස් ටෝක් දෙන එක්කෙනා තමයි. ඉතින් උන්දාට වෙච්ච  අකර තැබ්බයක් ගැන තමයි මේ කියන්න යන්නේ.ලිලි අක්කලාගේ කාලේ ඉතින් මේ කොම්පීතර් තාක්ශෝනේ එහෙම තිබිලා නැහැ නොවෑ උන්දැ කියන විදියට තිබිල තිබුනා නම් අද බිල්ගේට්ටු මහත්තයා ටත් වැඩිය දීමක් උන්දැට තියෙනවලු. මට වෙලාවකට හිතෙනවා අපේ වාසනාවටදෝ කියල එහෙම නොවුනේ. මොකද කලින් වන්ගියක උන්දැ රෙජිස්ටරෙත් එඩිට් කොරන්න ගිහින් ජනේලේ (Windows) හිරවෙලා. ඉන්ජිනේරුවොම දෙන්නෙක් ට්‍රයි කොරලයි වැඩේ ගොඩදාගත්තේ. මොකද චන්දරේ අයියගේ වැදගත් ඩේටා වගේකුත් තිබ්බයි කිව්වනේ ලැප ඇතුලේ.  ඉතින් අන්න ඒ වගේ කොම්පීතර් වැඩකරුවෙක් තමයි අපේ ලිලි අක්කා කියන්නේ.

ඉතින් මේ පිට රට ඉන්න උදවියට දෙයියොන්ගෙන් ලැබුණු තෑග්ගක් වගේ තමයි SKYPE කියන්නේ. මොකද නැත්නම් කී දාහක් කියල යනවද ලංකාවේ ඉන්න හිතවතුන්ට පවුලේ උදවිය එක්කලා කතා කොරන්න. අනෙත් එක ලෝකේ වැඩිපුරම ටැලිෆෝන් ගාස්තු අය කරන්නෙත් ඔටු දේශ වලටනේ (මැදපෙරදිග). මම අහල තියෙන විදියට ඒ අටහ්රිනුත් වැඩිම වශයෙන් පාරිභෝගිකයාව හූරා උලා කන්නේ එටිසලාට් එකෙන් තමයි. ඔය දැන් යස අගේට ලංකාවෙත් රජ කොරන්නේ. ඒ ගැන කියන්න ගියොත්  වෙනමම පොස්ට් එකක් ලියන්න වෙනවා ඒ නිසා අපි හැරෙමු ලිලි අක්කගේ සීන් කෝන් එක පැත්තට. අපේ ලිලි අක්කගේත් වඩාත්ම සිත්ගත් මෘදුකාංගය තමයි ස්කයිප් කියන්නේ. උන්දැ ස්කයිප් නේම් එක හදාගෙන තියෙන්නේ තමන්ගේ දයාබර ස්වාමියාගේ නමට.  ඉතිං ලිලි අක්ක මේක හදල තියෙන්නේ කන්නාඩි දාගෙන නෙවෙයිලු. කොහොමින් කොහොම හරි චන්ද්‍රපාල කියන තැනට වැදිලා තියෙන්නේ කන්ඩපාල කියල. උන්දැ හවස් වරුවේ වැඩ ටික ඔක්කොම අහවර කොරලා උයල පිහල චන්දරේ අයියා කන්න කලින් පනුවොන්ට බෙහෙත් (විෂ්කි තමයි හොඳම බෙහෙත කියලයි චන්දරේ අයියා කියන්නේ)  බොන අතරේ ලිලි අක්කගේ සහෝදර තුමෙක් එක්ක කයියක් ගහගෙන හිටියලු. ලිලි අක්කා ස්කයිප් එකේ කතා කරන වෙලාවට අහල පහල ඉන්න එව්වෝ කන් වලට ඇබත් ගහගන්නවා කියලයි චන්දරේ අයියා කියන්නේ. මොකද ලංකාවේ ඉන්න කෙනත් එක්ක කතා කොරන්නේ ලංකාවටම ඇහෙන තරම් හයින්ලු. අපි නම් දන්නේ නැහැ චන්දරේ ගොයියා තමයි මටත් මේ බව කිව්වේ. මෙහෙම ඉන්න අතර වාරයේ මුන්දැට ආවලු රිකුවෙස්ට් එකක් හීන් සැරේ එතනට ගිහින් බලල චන්දරේ අයියට කියනවලු. 

ලිලි අක්කා : චන්දරේ මේ බලන්නකෝ කවුද මන්දා මේඩ් කෙනෙක් කොන්ටෑක්ට් එකක් එවලානේ කියලා.
චන්දරේ අයියා : ඒ මොකටද අපිට මේඩ් ලා කොන්ටෑක්ට් එවන්නේ.
ලිලි අක්කා : අනේ මන්ද මේ එවලා තියෙන්නේ උන්නා මේඩ් කියල එක්කෙනෙක්.
චන්දරේ අයියා : මොකාක්......?
ලිලි අක්කා : ඔව් අනේ ඔතන ඉඳන් කෑ ගහන්නේ නැතිව ඇවිල්ලම බලාගන්න කනේ දුම් පිරිලද කොහේ මේ මිනිහගේ සිකරට්ම බීලා 

ඔයාල මොකක්ද හිතන්නේ............ මොකක් කියලද ඒ ඇවිල්ල තිබුනේ එක???????? 

 

හික් හික් හික් ලිලි නෝනේ මේක උන්නා මේඩ් නෙවෙයි මලා මේඩ් හික් හික් හික්. මෙව්වා හොඳ වෙලාවට ස්කයිප් එකේ අයිතිකාරයාට ඇහෙන්නේ නැත්තේ. ඇහුනා නම් ඒ මනුස්සයා එල්ලිලා මැරෙනවා. 

කරුමේ කියන්නේ ඒ වෙලාවේ කන්නාඩි දෙක අමතක වෙලානේ ලිලි අක්ක ඉඳල තියෙන්නේ.