Wednesday, 4 July 2012

කාලය මැවූ, වෙනසක අරුමේ




එක්තරා අතකට සංවේදී චායාරූපයක්. අපි ලොකු වෙනවා කියන්නේ අපේ දෙමව්පියෝ වයසට යනවා. මේ තරම් අපිව උස මහත් කරන්න ඒ රත්තරන් අත්වලින් කොපමණ වැඩ කරලා ඇත්ද? කොපමණ දහදිය වගුරවල ඇත්ද? අපිට මොහොතකටවත් හිතෙනවද?  අඩුම තරමේ දවසකට එක පාරක්වත්.......... අනේ මේ මිනිස්සු දෙන්නා අපිව හදල වඩල අද වෙනකනුත් අපි වෙනුවෙන් කරනවා. අපෙන් මොනවද මේ දෙන්නට වෙලාතියෙන්නේ කියල.......... දවසට පැය ගණන් මූණු පොතේ නොදන්නා, ජීවිතේට දැකලවත් නැති යාලු  මිත්‍රාදීන් වෙනුවෙන් වැය කරන අපි. දවසට විනාඩි 5 ක් රෑ වෙන්න තාත්තගේ පිටේ බාම් ටිකක් ගාන්න වැය කරනවද? දෙමව්පියෝ අපිව   හදන්න විඳපු දුක තේරෙන්නේ අපිත් යන්තම් පවුල් පන්සල් වේගෙන එනකොට. ඉතින් එයාල එයාලගේ ජීවිතෙන් දශක ගණනාවක් අපිවෙනුවෙන් කැපකරලා තියෙද්දිත්, ඒ ගැන හිතන්නේ නැතිව මුග්දයන් විදියට හැසිරෙන අපි. අනේ අපේ අම්මට තාත්තට සලකන්න ඕනේ  කියල හිත කොට අපි පරක්කු වැඩි වෙන්න පුළුවන්. එයාල ජීවත් උන කාලේ වැඩියි. වෙන්න තියෙන කාලේ අඩුයි. මැරුණට පස්සේ ලෝකෙට පෙන්න බොරුවට පින් දහම්  කරලා දාන මාන දුන්නට වැඩක් නෑ. ඉන්නකල් එයාල ගැන හොයල බලන්නේ නැතිව. ලොකු ටෝක්ස් දෙනවා කියල මට බනින්න එපා මේ චායාරූපය දිහා බැලුවාම ඔයාලටම තේරෙයි මේ කෙටි පණිවිඩය මම ඔයාලට අරන් ආවේ ඇයි කියල. පන්සල් යන්න ඕනේ නෑ පින් දහම් කරන්න. මුලින්ම ගෙදරින් පටන් ගන්න. ඉලක්කම් 5 ක  පඩියක්  ඕනේ නෑ දෙමව්පියෝන්ට සලකන්න. ඔයාලගේ වචනේකිනුත් එයාලට සැනසෙන්න පුළුවන්. ඒ තමා දෙමව්පියෝ.  මූණු පොතේ ඉන්න යාලුවෝ කවුරුවත් ඉන්නවද අපිට කරදරයක් උනාම.........? නෑ ඉන්නේ අම්මයි තාත්තයි. ලෝකෙම අපි වටේ ඉඳීවි තියෙනකල්. නැති දාට පල නැති රුකකින් යන වවුලෝ වගේ ඔවුන් අපහැර යාවි. අදටත් පරක්කු නෑ.  අදම පැය විසිහතරක දවසින්, විනාඩි 5 ක් 10 ක් දෙමාපියෝ දෙන්නා වෙනුවෙන් වෙන්කරන්න. ඔයාල කොච්චර කාර්යබහුල උනත් ජීවිතේට වරදින්නේ නෑ.  පලවෙනි පේලිය විතරක් ලියල පින්තූරේ පොස්ට් කරනවා කියල හිත ආව මම ඕනෙවට  වැඩිය ඔබලාගේ වටිනා කාලය නාස්ති කලා. ඒ නිසා මම දැන් නවතින්නම්. කෝරලේ මහත්තය කිව්ව දේ හරිද වැරදිද වටිනවද නැද්ද කියල තීරණය කරන එක ඔයාලට බාරයි. ලයික්  එකක් කොමෙන්ට් එකක් දැම්ම කියල සල්ලි ගන්නේ නෑ හොඳේ හිකිස් 

හැමෝටම ජය වේවා, රාවන දෙවි පිහිටයි! 


6 comments:

  1. වටිනා ලිපියක් ...

    ReplyDelete
    Replies
    1. බොහොම ස්තූතියි රොබින් සහෝදරයා.
      ජය වේවා! :D

      Delete
  2. kathawanam eththa kitty :)

    ReplyDelete
  3. ekenma ape raththaran demaupiyan gana mita wada api godak hithanna one,

    ReplyDelete
    Replies
    1. නමුත් කීයෙන් කීදෙනාද හිතන්නේ?

      Delete

ඔයාල කොම්මෙන්ට් එකක් දාන්න වැය කරන තප්පර ගානත් ඔයාලට වැදගත් කියල මම දන්නවා එත් ඔයාලගෙන් අදහසක් මේ පිළිබඳව ලැබෙනවා කියන්නේ මට ඉදිරියටත් ලියන්න හොඳ මොර්ටිවේෂන් එකක් ලැබෙන එක. ලියන්න කල් මදිනම් තිතක් තියල යන්න එතකොට මම දන්නවා ඔබ මෙය බැලු බව. ස්තූතියි.........

Related Posts Plugin for WordPress, Blogger...